SpaceX 載人太空船 2 號發射了後 ê 軌跡 kah 煙流 ft. 阿錕 (20210424)

<p>SpaceX 載人太空船 2 號發射了後 ê 軌跡 kah 煙流 <br />https://apod.tw/daily/20210424/ <br /> <br />天頂發生啥物代誌？昨昏早天欲光 ê 時陣， tī 美國 Florida 州 ê Indian 港海岸 敢若真平靜。毋閣隨 to̍h 有一台 火箭發射，kā <br />天頂照予光。To̍h tī 北爿， NASA SpaceX 載人太空船 2 號任務 載一台足厲害 ê Falcon 9 號 火箭，衝入去太空中。這个 <br />縮時攝影影片 是 kā 12 分鐘 櫼做 8 秒鐘，欲予咱看 tī 遠方倒爿遮爾光 ê 發射煙流。這个 火箭升懸 到愈來愈薄 ê 大氣層，予伊 ê <br />煙流湠開，to̍h 親像 日頭拄 peh--起來 ê 時，kā 天頂照予光仝款。當 載人太空船 2 號 tī 地平線消失 ê 時陣，Falcon 9 號 ê <br />第一節火箭欲轉來，按算欲降落 tī 大西洋 ê SpaceX 駁船 面頂。咱會當看著伊降落過程產生 ê 煙流。Tī 太空中，奮進號載人太空船 按算 tī <br />今仔日透早，送四位太空人 tī 國際太空站（ISS）靠岸。載人太空船 2 號 ê 太空人參加 遠征 65 號任務，來幫贊進行其他任務需要 ê 藥物試驗。伊用 ê <br />組織晶片 是一款真細 ê 微流體晶片，會當模擬人類 ê 器官。這个試驗會 tī ISS ê 微重力 環境內底快速進行。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影片：Eric Holland <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210424.html <br /> <br/>Powered by <a href="https://firstory.me">Firstory Hosting</a></p>