動畫：烏洞 kā 恆星拆食落腹 ft. 阿錕 (20210427)

<p>動畫：烏洞 kā 恆星拆食落腹 <br />https://apod.tw/daily/20210427/ <br /> <br />恆星若是離 烏洞 傷近會按怎？烏洞會予伊弄家散宅。毋閣實際上是按怎？這毋是引力 ê 強吸引力造成 ê，是 引力差 tī 恆星無仝位 ê 作用 kā <br />伊搝甲碎糊糊。這支動畫影片 展示這个解體 ê 現象。代先你會看著一粒恆星倚近烏洞。恆星 ê 運行速度愈來愈緊，伊 ê 外層大氣 mā <br />因為愈來愈倚近烏洞，煞去予搝散。足濟恆星 ê 大氣 to̍h 按呢 tī 深空掖甲四界攏是。毋閣有一寡大氣猶閣繼續踅烏洞 leh 行，煞形成 <br />吸積盤。紲落來，這个 動畫 chhōa 你來看烏洞 ê 吸積盤。你甚至會當看著 吸積盤較遠 ê 彼爿面，包括著 重力透鏡 ê 奇幻視覺效應。上尾，你 會當看著 <br />tī 自轉軸方向 ê 其中一爿，去予噴--出來 ê 噴流。理論模型表示，這寡噴流毋若 kā 能量足強 ê 氣體噴--出來，閣製造能量足強 ê 微中子。這是一種 <br />最近 才可能 tī 地球 揣著 ê 物件。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影片：DESY, Science Communication Lab <br />音樂：高小糕 GaoXiaoGao <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210427.html <br /> <br/>Powered by <a href="https://firstory.me">Firstory Hosting</a></p>