722. 日頭落山了後 ê 行星連珠 ft. 阿錕 (20230102)

<p>Eng 暗你若是攑頭看，就會看著天頂有足濟粒行星。日頭拄落山 ê 時陣，咱看 tùi 西爿去，差不多就會看著 金星、土星、木星、kah 火星 tī 天頂 同齊出現 矣。這寡行星 ùi 西爿排 tùi 東爿去, 金星是上倚地平線彼粒，連鞭就會綴日頭落去矣。是講，毋管你是蹛 tiàm 地球 佗位攏無差，因為全球 tī 暗頭仔這陣 ê 天色是足清氣--ê，你應該會當 tī 天頂看著 行星連珠。這張相片是頂個月底翕--ê，面頂彼寡天體攏有翕著。而且，月娘 kah 水星 嘛攏看會著。看袂著 ê 是 海王星 kah 天王星，無這就變做 行星 ê 全家福相片 矣。前景是 土耳其 tiàm 地中海附近 ê Kaş 鎮 Gökçeören 庄 週邊 ê 山崙。較光 ê 牛郎星、北落師門、kah 畢宿五 嘛 kah 昴宿星團 仝款，足顯目--ê。一月份 ê 時陣，金星 會 tī 日落了後，逐工出現 tī 天頂 愈來愈懸 ê 所在，毋閣土星是會 愈來愈低。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230102/ <br />影像：Tunc Tezel (TWAN) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230102.html</p> <br /> <br/>Powered by <a href="https://firstory.me">Firstory Hosting</a>