642. 澳洲 Pinnacles 天頂 ê 銀河 kah 黃道光 ft. 阿錕 (20221023)

<p>這个奇怪 ê 世界是佇佗位？啊就 地球 啦！這張相片 ê 前景是 澳洲 西部 Nambung 國家公園 ê 尖石岩。這是古早時代 ê 花蛤仔（石灰石）做--出來--ê，是講這寡 kah 人平大 ê 美麗尖石岩 是按怎形成--ê，就是一个 研究主題 矣。這張美麗 ê 全景圖是 2017 年 9 月翕--ê。相片中央 ùi 地平線 peh--起來 ê 黃道光，是日光去予浮佇 太陽系 行星之間 ê 塗粉粒反射產生--ê。迒過相片頂懸 ê 彎弓橋是咱 銀河系 ê 中央帶。咱閣會當佇背景 ê 夜空，看著 木星、土星、kah 幾若粒有名 ê 恆星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221023/ <br />影像：Jingyi Zhang <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221023.html</p> <br /> <br/>Powered by <a href="https://firstory.me">Firstory Hosting</a>