497. RCW 86：歷史上有名 ê 超新星殘骸 ft. 阿錕 (20220528)

<p>西元 185 年 ê 時陣，中國天文學家 記錄著這个 tī 南門星官 ê 新恆星。這个天區 tī 現代星表叫做 半人馬座 α kah β。這粒新恆星 tī 彼陣，光甲有幾若個月攏會當直接看著。伊應該就是歷史上 有紀錄 ê 上早一粒超新星。這張深空影像內底有發射星雲 RCW 86。咱這馬知影伊是恆星爆炸了後 ê 殘骸。這張狹頻資料追蹤去予 脹大 震波 離子化 ê 氣體。這張 天文影像 暗示講，這內底有足濟鐵元素。毋閣 超新星殘骸 內底無揣著中子星 猶是 脈動星，表示講本底彼粒超新星應該是 Ia 型--ê。Kah 大質量恆星 核心崩塌 ê 超新星爆炸無仝，Ia 型超新星 是 白矮星 ùi 雙星系統 ê 星伴 吸積物質 產生 ê 熱核爆炸。雖罔講這个超新星殘骸 chhāi tī 銀河 盤附近，而且伊 tī 天頂比月娘看起來閣較大粒。毋閣伊實在是傷暗矣，煞看無。RCW 86 離咱有 8000 光年遠，差不多有 100 光年闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220528/ <br />影像：Martin Pugh <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220528.html</p> <br /> <br/>Powered by <a href="https://firstory.me">Firstory Hosting</a>