#175 GW200115：烏洞 kah 中子星合併 ê 模擬動畫 ft. 阿錕 (20210714)

<p>GW200115：烏洞 kah 中子星合併 ê 模擬動畫 <br />https://apod.tw/daily/20210714/ <br /> <br />烏洞若是毀滅中子星，毋知會發生啥物代誌？分析指出，這款現象會產生重力波事件，to̍h 親像 tī 2020 年 1 月彼陣，LIGO 實驗室 kah 室女座 <br />天文台偵測著 ê GW200115 事件仝款。為著欲閣較了解這个特別 ê 事件，to̍h 利用電腦模擬來產生這个 視覺化影片。這个視覺化影片 ùi <br />烏洞（質量差不多是太陽 ê 6 倍）kah 中子星（質量差不多是太陽 ê 1.5 倍）互相轉踅開始，閣發出愈來愈濟 ê 重力輻射。重力波 發射線 ê <br />美麗圖樣是藍色 ê。這个雙 捲螺 踅足緊 ê，一直到中子星完全去予 烏洞 食去為止。Tī 相碰 ê 過程，中子星並無碎--去，光嘛差不多無走--去。這 kah <br />觀測結果相-siâng，無看著光學 ê 對應物。落尾這粒烏洞 liang 一時仔 爾爾，伊發出 ê 重力波嘛綴烏洞做伙恬--去。這个 30 秒 ê 縮時攝影影片 <br />可能有較短，毋閣伊已經是實際上合併時間 ê 1000 倍長矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像： <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210714.html <br /> <br/>Powered by <a href="https://firstory.me">Firstory Hosting</a></p>