1038. 美國 Kansas 州天頂 ê 陸捲螺 ft. 阿錕 (20231129)

<p>捲螺仔風內底敢會閣有一个捲螺仔風？一般講來是袂。OK，按呢若是一个較闊 ê 沙螺仔風 敢會藏一个捲螺仔風 tī 內底？無可能，因為 捲螺仔風是 ùi 天頂來--ê，毋過沙螺仔風是 ùi 塗跤 生出來--ê。這幅圖內底 ê 是 陸捲螺，是一款無四常 ê 捲螺仔風，出現 tī 足猛 ê 雷雨 邊仔。這張陸捲螺 相片，是一个專門 leh 逐風暴 ê 愛好者，tī 2019 年 6 月 tī 美國 Kansas 州 翕著、認出來--ê。真正 ê 捲螺仔風 是 tī 中央，外圍彼輾 可能是中央捲螺仔風 擲出來--ê 較大粒 ê 塗粉粒。到今為止，唯一咱知影會有捲螺仔風 ê 行星是 地球，毋過太陽表面 嘛有 kah 捲螺仔風 類似 ê 活動，而且 沙螺仔風 tī 火星 是定定有。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231129/ <br />影像：Brad Hannon <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap231129.html</p> <br /> <br/>Powered by <a href="https://firstory.me">Firstory Hosting</a>