1031. Tī 格陵蘭 Qeqertaq 庄 ê 極光 ft. 阿錕 (20231117)

<p>Tī Qeqertaq 庄 一般講來是無啥物光害問題。這个 tī 格陵蘭島西部海岸 ê 偏僻庄頭，tī 2020 年 ê 時陣人口數才 114 ê 人爾。就算是按呢，夜空中 ê 光猶是 leh 爍 leh 爍 leh。地球 最近有較強 ê 地磁風暴。11 月 6 號 ê 時陣，這寡美麗 ê 極光 kha-tián 就出現 tī 北極區 ê 天頂。這个北緯 70 度 ê 極區 tī 紲落來幾若禮拜，會開始變做 極夜，就是日頭規工攏袂 peh 起來 ê 暗暝。這个予人精神 ê 北極光，就反射 tī Disko 灣 ê 海面上。這个景色內底有一粒孤獨 ê 冰山，伊浮 tī 冰海頂懸 leh 行，去予海邊 ê 燈火照予光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231117/ <br />影像：Dennis Lehtonen <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap231117.html</p> <br /> <br/>Powered by <a href="https://firstory.me">Firstory Hosting</a>