月全食時陣 ê 月娘 ft. 阿錕 (20210525)

<p>月全食時陣 ê 月娘 <br />https://apod.tw/daily/20210525/ <br /> <br />月全食 ê 時陣月娘看起來會是啥款？這个縮時攝影影片 是 kā 2018 年 1 月 31 彼工 5 點鐘久 ê 月食影像，用數位處理 ê 方式來保持 月球 ê <br />光度，閣 kā 伊固定 tī 影片中央。咱會先看會著 月圓，因為 月食 干焦會發生 tī 月圓 ê 時陣。背景有足濟恆星行過，因為 月食 ê 時陣，月球踅 地球 <br />leh 行。煞落來咱會看著地球 圓形 ê 烏影 行過月球。烏影邊界 ê 淺藍色色調是 kah 地球天空是按怎是藍色 ê 欲仝。烏影 中心 ê 深紅色色調是 <br />kah 日頭袂落海 ê 時陣是按怎看起來是紅色 ê 欲仝。明仔載，蹛 tī 南亞、太平洋、美國西南爿 ê 人，應該會當看著 血色 ê 超級月娘 月全食。Tī <br />遮講--ê 血色，是 leh 形容 月全食 ê 月娘 有較紅。超級月娘 是 leh 形容伊 ê 角大細有較大。這是因為伊 tī 踅地球 小可仔長株圓軌道 leh <br />行 ê 時陣，行到離地球較近 ê 所在。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Wang Letian & Zhang Jiajie <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210525.html <br /> <br/>Powered by <a href="https://firstory.me">Firstory Hosting</a></p>