有恆星、氣體、kah 磁性 ê 銀河中心 ft. 阿錕 (20210602)

<p>有恆星、氣體、kah 磁性 ê 銀河中心 <br />https://apod.tw/daily/20210602/ <br /> <br />咱 ê 銀河中心是發生啥物代誌？為著欲揣出這个答案，一个新 ê 用 電波 kah X-光翕 ê 詳細全景組合圖，會當 探索 銀河盤 面頂 kah 下跤。這張 <br />Chandra 踅地衛星天文台 翕 ê X-光 影像，有柑仔色（高溫），青色 (較高溫)，kah 茄仔色 (上高溫)。閣 kah MeerKAT 陣列 翕 ê <br />殕色 ê 高解析度 電波 影像疊做伙。銀河內底 ê 交互作用有足濟種，嘛真複雜。銀河 猛獸，親像是 脹大 ê 超新星殘骸、新恆星 ê 高溫恆星風、異常強烈 ê <br />相碰磁場、kah 銀河中心 ê 超大質量烏洞，攏 tī 宇宙內底 1000 光年 闊 ê 範圍相戰。較薄 較光 ê 光巡 是磁場相碰區內底 扭曲 kah <br />新接做伙 ê 磁場。這會產生銀河內部 ê 太空氣候變化，to̍h kah 咱太陽產生 ê 能量形態欲仝。繼續做觀測 kah 研究，毋若會當予咱 閣較了解 咱銀河 <br />ê 歷史 kah 演化，嘛會當予咱了解其他 ê 星系。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：X-ray: NASA/CXC/UMass/Q.D. Wang; Radio: NRF/SARAO/MeerKAT <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210602.html <br /> <br/>Powered by <a href="https://firstory.me">Firstory Hosting</a></p>