Vatican Radio News in Latin 20.05.2023

Die deutsche Übersetzung siehe unten!                         “HEBDÓMADA PAPAE”         NOTÍTIAE VATICÁNAE LATÍNE RÉDDITAE Die vicésimo mensis Máii anno bismillésimo vicésimo tértio   TÍTULI Papa: in Ucraína pópulus multum pátitur; orémus ergo, ut pax rédeat. Monáchio Romam advéniens cum bírota, coetus victimárum abúsuum epístolam tradit Papae. Papa Francíscus: necessitúdinem mutétur erga opes Terrae, quae sine fine non sunt. Salvéte omnes! Salútem plúrimam ex corde ómnibus vobis, qui núntios auscultátis Latína lingua prolátos, addit Márius Galgano. NOTITIA 1 Dolor, quem cotídie in Ucraína pópulus propter bellum pátitur, et necéssitas grátiae pacis invocándae: de his Francíscus cum fidélibus lóquitur post catechésim in Audiéntia Generáli féria quarta hábitam, mémorans pondus Corónae mariális recitándae hoc mense Maríae dicáto. Refert Olga Sakun: In peregrínis salutándis post catechésim in Audiéntia Generáli fériae quartae praetéritae hábitam, Papa Francíscus dénuo de bello in Ucraína agit ac de necessitáte pro eiusdem fine deprecándi: «Omnes a Dómino pacem pro vexáta Ucraína petámus, ubi pópulus tantum pátitur, tantum ibi pátitur. Orémus pro sáuciis, pro púeris, pro mórtuis, ut rédeat pax». Demum, fidéles ar&