Vatican Radio News in Latin 09.09.2023

Die deutsche Übersetzung siehe unten! HEBDÓMADA PAPAE” NOTÍTIAE VATICÁNAE LATÍNE RÉDDITAE Die nono mensis Septémbris anno bismillésimo vicésimo tértio   TÍTULI Francíscus Papa de Ucraína lóquitur quae martýrium expéritur cuius numquam satis. Pro iis precátur Póntifex qui ob incéndium Ioannisbúrgi interiérunt. Francíscus in Mongóliam: memória tenet Póntifex praecípuas Natiónis invísae statiónes. Salútem plúrimam ómnibus vobis núntios Latínos auscultántibus dicit Márius Galgano. NOTÍTIA 1 Bene mane die Mercúrii sexto mensis Septémbris in Civitáte Vaticána in priváta audiéntia Epíscopos Sýnodi Ecclésiae Graeco-Cathólicae Ucraínae recépit Francíscus Papa. Refert Olga Sakun. Crudéle quiddam est aeque ac criminále, quod  “áliquid martýrii” in se rétinet, cuius “haud satis fit sermo”. Ántequam in Petriánum Forum descéndit, Audiéntiam Generálem actúrus, fere duas per horas atténto permotóque ánimo ex ore Episcopórum Sýnodi Ecclésiae Graeco-Cathólicae Ucraínae narratiónem auscúltat infándi dolóris illíus belli ac “mortuórum, vulneratórum, cruciatórum númerum”, quod “áliquid diáboli, qui delére vult” putat. Francíscus – sicut Sedis diurnariórum Vaticánae copiósus núntius narrat – calamitátes partícipat, quas testimónia ex váriis Ucraínae locis ipsi réferunt atque “quibúsdam ex brévibus lectión