Vatican Radio News in Latin 05.11.2022

Deutsche Übersetzung, siehe unten! “HEBDÓMADA PAPAE” Notítiae Vaticánae Latíne rédditae  Die quinto mensis Novémbris anno bismillésimo vicésimo secúndo (TÍTULI)  Pontíficis propósitum de itínere Baharínam Ínsulam et ad pacem adhortátio. Francíscus Papa apud Coemetérium Teutónicum pro defúnctis orat. Áfricae Discípulis Póntifex ait: sperámus in Congo et Sudánia Meridiána mense Februário Nos futúros. Felícem exóptat diem Márius Galgano ómnibus haec verba, lingua Latína proláta, audiéntibus. (NOTÍTIAE PRAECÍPUAE) Iter ad diálogum instituéndum: sic in Salutatióne Angélica edíxit Francíscus Papa a die tértio ad diem sextum mensis Novémbris Baharínam Ínsulam Se profectúrus ut “Congréssui intérsit in quo de summa necessitáte disséritur, ut Óriens et Óccidens inter se convéniant de humáni convíctus bono”. Refert Olga Sakun. Iam nunc potestátibus ac géntibus iísque cunctis, qui dant óperam ut hoc iter suscipiátur, grátias agit. Francíscus Papa explicávit Congréssui Se interfutúrum, in quo “frugífera praebétur occásio”. Étenim Congréssum quémpiam partícipat, cuius arguméntum est occúrsus pro humáni convíctus bono; iter nempe cópiam dat religiosórum moderatórum conveniendórum, nominátim Muslimórum. Hac de cáusa ab ómnibus póstulat Sanctus Pater ut Eum oratióne comiténtur, et sínguli occúrsus et evéntus