天鵝座 2010 - 2020 年 ê 拼接圖 ft. 阿錕 (20210211)

<p>天鵝座 2010 - 2020 年 ê 拼接圖<br>https://apod.tw/daily/20210211/<br></p> <p>星際塗粉 kah 發光 ê 氣體 畫出 銀河 盤一部份美麗 ê 天景，包括 銀河必縫 ê 北爿附近 kah 天鵝座。這張予人印象足深 ê 闊幅拼接圖，迒過天頂 28 x 18 度，是 kā 十年來 400 點鐘久 ê 影像資料疊做一張 ê。天鵝座 Alaha 星 kah 光閣燒 ê 超巨星 天津四 to̍h tī 這幅影像 ê 倒爿。Tī 天鵝座 ê 恆星 kah 發光 ê 氣體雲，櫼甲密密密。伊 mā 是這个烏閣暗 ê 北烏炭橐仔星雲、恆星形成發射區 NGC 7000（北美洲星雲）、kah tī 天津四倒爿下跤 ê IC 5070（鵜鶘星雲）in 兜。真濟 星雲 kah 星團 mā tī 這个宇宙景色內底揣會著。當然，天津四 tùi 愛看天星 ê 人來講，是北半球足有名 ê 一粒星，因為伊 to̍h tī 兩个 星群 內底。伊是 夏季大三角 ê 頂點，mā 是 北十字 ê 頂端。<br><br>———&nbsp;</p> <p>這是 NASA Astronomy Picture of the Day ê 台語文 podcast&nbsp;</p> <p>原文版：https://apod.nasa.gov/&nbsp;</p> <p>台文版：https://apod.tw/&nbsp;&nbsp;</p> <p></p> <p>今仔日 ê 文章：</p> <p>影像：J-P Metsavainio (Astro Anarchy)</p> <p>音樂：PiSCO - 鼎鼎</p> <p>聲優：阿錕</p> <p>翻譯：An-Li Tsai (NCU)</p> <p>原文：https://apod.nasa.gov/apod/ap210114.html<br></p> <br /> <br/>Powered by <a href="https://firstory.me">Firstory Hosting</a>