Tī 雪樹頭殼頂 ê 月暈 ft. 阿錕 (20210201)

Tī 雪樹頭殼頂 ê 月暈 <br />https://apod.tw/daily/20210201/ <br /> <br />你敢捌看過月娘 外口彼 liàn 月暈？這个定定看會著 ê 景色，是因為大部份 ê 天頂，去予內底有幾仔百萬粒 ê 冰晶屑仔 ê 薄雲罩著，才產生 ê 現象。每一粒冰晶 to̍h 親像是一个微型鏡頭。因為大部份 ê 冰晶，攏有差不多欲仝形 ê、giú 長 ê 六角形形體。光 ùi 冰晶 ê 其中一面行入去了後，反射 22 度，才 ùi 對面行出來。這个 22 度 to̍h 是月暈 ê 半徑。Kah 日時看著 ê 日暈欲仝欲仝。是講，冰晶 tī 雲內底是按怎形成 ê？這 to̍h 是一个研究主題矣。這張相片是頂禮拜 tī 瑞士 ê Östersund 翕 ê。Tī 這个鏡頭內底，有白雪雪 ê 樹仔 kah 兔仔 ê 跤跡。In ê 頭殼頂，是一个完整 ê 月暈。 Kah 月暈、日暈有關連 ê 文章：月華 kah 邊仔 ê 木星、土星 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Göran Strand <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210201.html <br /> <br/>Powered by <a href="https://firstory.me">Firstory Hosting</a>