Tī 銅港天頂 ê STEVE ft. 蔡老師 (20210505)

<p>Tī 銅港天頂 ê STEVE <br />https://apod.tw/daily/20210505/ <br /> <br />是啥物產生 STEVEs？STEVEs 是 Strong Thermal Emission Velocity Enhancements 強熱發射速度增強 ê <br />簡稱，是一款大氣現象。伊自古早 to̍h 有，毋閣最近五冬才 予人注意著，因為伊 ê 色光 kah 外形，kah 極光 無仝。因為 STEVEs 有茄仔色 <br />kah 粉紅仔色 ê 孤逝光巡，研究伊是按怎來--ê，to̍h 變做一个足衝 ê 主題。STEVEs 可能 kah Sub-Auroral Ion Drifts <br />次極光離子漂流 (SAIDs) 有關。彼是一款高溫氣體 離子 ê 超音速流。有一款現象 咱這馬猶毋知 原因，to̍h 是 STEVEs 出現 ê 時陣，mā <br />定定看會著青色 ê 「圍閘」極光。這張 STEVE 影像 是 3 月中 tī 美國 Michigan 銅港 翕 ê。是用連紲感光 ê 方式，kā 前景 kah <br />背景 ê 影像敆做一張 ê。這款真光 ê STEVE 會出現幾若分鐘久，ùi 地平線到地平線，出現 ê 時間 tī 一般 ê 極光 kah 極光之間。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：MaryBeth Kiczenski <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210505.html <br /> <br/>Powered by <a href="https://firstory.me">Firstory Hosting</a></p>