Tī Azores 頂懸 ê 虹氣輝 ft. 阿錕 (20210418)

<p>Tī Azores 頂懸 ê 虹氣輝 <br />https://apod.tw/daily/20210418/ <br /> <br />是按怎天頂 ê 光 to̍h 親像是一个重複 ê 大虹？是 氣輝 啦！其實這馬天頂一直攏有氣輝，毋過一般來講咱較歹看著。伊其實是一款亂流，to̍h <br />親像是風暴，會 tī 地球大氣層 造成真明顯 ê 波痕。這款 重力波 是空氣內底 ê 震盪。伊 to̍h kah kā 石頭擲入去平靜 ê 水內底 產生 ê <br />波痕 sio-siâng。綴著差不多是 氣輝 ê 坦徛方向做長時間 ê 感光，會當予這个起起落落 ê 結構閣較明顯。毋過，這寡色光是按怎來 ê？深紅色 ê <br />氣輝可能是 ùi 87 公里懸 ê OH 分子 來 ê，是去予太陽 ê 紫外光 激發 ê。柑仔色 kah 青色 ê 氣輝 可能是 鈉 kah 酸素 <br />原子小可仔激發 ê。這張影像 是 tī 葡萄牙 Azores peh 去 Pico 山頂 翕 ê。地表 ê 光是 ùi 大西洋 Faial 島來 ê。這个壯觀 <br />ê 天色會當 tī 這个一條一條 ê 氣輝看著。Tī 影像中央，中央彼條光帶是咱 ê 銀河系。Tī 倒爿頂懸附近，是 M31，仙女星系。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Miguel Claro (TWAN); Rollover Annotation: Judy Schmidt <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210418.html <br /> <br/>Powered by <a href="https://firstory.me">Firstory Hosting</a></p>