雙烏洞 ê 雙重扭曲世界 ft. 阿錕 (20210416)

<p>雙烏洞 ê 雙重扭曲世界 <br />https://apod.tw/daily/20210416/ <br /> <br />Tī 這个足厲害 ê 電腦視覺化影像內底，咱看會著 踅雙超大烏洞吸積盤發出 ê 光，去予極端重力扭曲 ê 時空彎曲去。這个 模擬吸積盤 是用幾若色來 kā <br />標記，紅色是踅 20 億太陽質量烏洞 ê 吸積盤，藍色是踅 10 億太陽質量烏洞 ê 吸積盤。這會當予咱較簡單 to̍h 揣著光 ê 源頭，毋過這款方式 mā <br />反應現實。較燒 ê 氣體倚光譜 ê 藍光彼爿，而且踅小粒烏洞 ê 物質有較強 ê 重力效應，閣會產生較懸 ê 溫度。像這款質量，兩个吸積盤攏會 tī 紫外線 <br />發出 大部份 ê 光。Tī 這支影片內底，特寫影像是扭曲 ê 藍色烏洞。這是 ùi 紅色烏洞看伊 ê 另外一伴。會當 tī 前景看著絞做伙 ê <br />紅色吸積盤。這支影片會當予咱 tī 仝一个時間看著去予藍色烏洞扭曲 ê 紅色烏洞。因為咱會當看著紅色烏洞看著 ê <br />藍色烏洞，嘛會當直接看著藍色烏洞，所以咱會當同齊看著兩爿 ê 藍色烏洞。Ùi 兩粒烏洞發出 ê 紅光 kah 藍光會當 tī 上內底 ê 光環看著，這个環 <br />to̍h 是 光子環。這个環 to̍h 差不多 tī 事件地平線附近。天文學家預測，免偌久，in to̍h 會當 觀測著重力波。這是一个時空 ê <br />水波痕，是兩粒超大烏洞 tī 仝一个系統內底 互相轉踅 kah 合併，to̍h 親像遮內底模擬 ê 這款 sio-siâng。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />科學視覺化提供：NASA, Goddard Space Flight Center, Jeremy Schnittman and Brian P. Powell <br />文稿：Francis Reddy <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210416.html <br /> <br/>Powered by <a href="https://firstory.me">Firstory Hosting</a></p>