人馬座彎曲 ê 磁場 ft. 蔡老師 (20210421)

<p>人馬座彎曲 ê 磁場 <br />https://apod.tw/daily/20210421/ <br /> <br />星系當 leh 相碰 ê 時陣，in ê 磁場 會發生啥物代誌 leh？為著欲揣出這个答案，NASA kā 伊 ê 747 飛龍機 SOFIA 提來看銀河 ê <br />厝邊星系，人馬座 A。觀測人馬座 A ê 塗粉 ê 偏振發射線，會當追蹤伊 ê 磁場。人馬座 A ê 異常外形是兩个星系相碰 kah 噴流 形成 ê。這个噴流是 <br />ùi 氣體吸積到 中央超大質量烏洞 驅動 ê。Tī 這个合成 影像，SOFIA 資料產生 ê 磁力線 to̍h 疊 tī <br />ESO（可見光：白色），APEX（次毫米：柑仔色），Chandra（X-光：藍色），kah Spitzer（紅外線：紅色）。這个磁場 kah 星系外沿 ê <br />塗粉帶 平行，毋閣 tī 星系中央是扭曲 ê。Tī 烏洞 附近 ê 重力會 kā 離子加速，mā 會 kā 磁場 加強。總講一句，相碰 毋若 kā 星系 ê <br />質量合做伙，mā kā 磁場放大矣。這个結果 提供一个 新 ê 觀點 來解說，tī 早期宇宙 星系 合併 真四常 ê 時陣，磁場是按怎演化 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：光學：European Southern Observatory (ESO) Wide Field Imager; 次毫米波：Max Planck <br />Institute for Radio Astronomy/ESO/Atacama Pathfinder Experiment (APEX)/A.Weiss <br />et al; X-光 kah 紅外線：NASA/Chandra/R. Kraft; JPL-Caltech/J. Keene <br />文稿：Joan Schmelz (USRA) <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210421.html <br /> <br/>Powered by <a href="https://firstory.me">Firstory Hosting</a></p>