人馬座三生仔 ft. 阿錕 (20210426)

<p>人馬座三生仔 <br />https://apod.tw/daily/20210426/ <br /> <br />這三个真光 ê 星雲定定 tī 望遠鏡 tùi 人馬座 kah 銀河中心 這个真 kheh ê 星場看著。事實上，18 世紀 ê 宇宙觀測者 Charles <br />Messier kā 其中兩个，M8 kah M20 收入去目錄內底。M8 是中央正爿下跤上大搭 ê 星雲，M20 是這幅圖頂懸彩色 ê 彼搭。第三个是包含 <br />NGC 6559 ê 發射線區域。伊 to̍h tī M8 ê 倒爿，去予塗粉暗帶 kā 伊 ùi 大星雲分出來。遮攏是 tī 差不多 5000 光年遠 ê <br />恆星托兒所內底。超過 1000 光年闊 ê M8 嘛號做內海仔星雲。M20 有一个有名 ê 外號，to̍h 叫做三叉星雲。發光 ê <br />水素氣體會予發射星雲看起來是紅色 ê。毋閣對照來講，三叉星雲 ê 藍色是因為塗粉 反射恆星光 來--ê。這个 闊莽莽 ê 星際景色 tī 天頂差不多有 4 <br />度闊，嘛會使講是 8 粒月圓遐爾闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Gabriel Rodrigues Santos <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210426.html <br /> <br/>Powered by <a href="https://firstory.me">Firstory Hosting</a></p>