七彩 ê 四分儀座流星 ft. 阿錕 (20210202)

七彩 ê 四分儀座流星 <br />https://apod.tw/daily/20210202/ <br /> <br />流星會使 sī 七彩 ê。人類 ê 目睭 sī 無法度分辨遮爾濟色光。毋閣，kha-mé-lah 會使。這張相片 sī 用 kha-mé-lah tī 美國 ê Missouri 翕 ê 四分儀座流星。Tī 這個月初，in 毋但光 kah 驚死人，閣五彩繽紛。這粒發光 ê 石頭，應該 sī 去予小行星 2003 EH1 放捒了後，tī 行過地球大氣層 ê 時陣燒出一條路 ê。流星 ê 色光通常 sī ùi 流星解體了後，產生 ê 離子元素來 ê。青藍色 ê 光一般攏是 ùi 鎂來 ê。鈣會發出茄仔色 ê 光。鎳會發出青色 ê 光。毋閣，紅色一般來講，sī ùi 地球大氣內底，高能 ê 窒素 kah 酸素 來 ê。這个遮爾光 ê 火 流星 一目[目聶] to̍h 無去矣，比一秒鐘猶閣較短。毋閣，伊留一條去予風歕出來 ê 電離軌跡，煞留幾若分鐘久 ê 光予人看著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Nicolas Paladini <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210202.html <br /> <br/>Powered by <a href="https://firstory.me">Firstory Hosting</a>