NGC 4565: 坦敧身 ê 星系 ft. 阿錕 (20210517)

<p>NGC 4565: 坦敧身 ê 星系 <br />https://apod.tw/daily/20210517/ <br /> <br />咱 ê 銀河系敢有遮爾薄？華麗 ê 捲螺仔星系 NGC 4565 ùi 咱 ê 地球來 kā 看 to̍h 是 坦敧身 ê。因為伊遮爾狹 ê 形態，所以伊嘛叫做 <br />繡針星系。明亮 ê NGC 4565 會予真濟觀測北天 ê 觀星團停落來看。伊 to̍h tī 彼个暗淡毋閣整齊 ê 后鬃座 彼搭。Tī 這个清楚 ê <br />彩色影像，看會著捲螺仔星系中心有一个 四四角角、phok--出來 ê 核心。伊去予迒 tī NGC 4565 ê 薄星系盤頂懸彼个 會閘光 ê 塗粉帶 <br />切做兩爿。Tī 這个美麗 ê 視場內底，有 各種 其他 背景星系。伊去予人認為講，伊 ê 外形可能 kah 咱 ê 銀河系 欲仝。NGC 4565 離咱有 <br />4000 萬 光年 遠，大細有 10 萬 光年闊。伊用細台望遠鏡真簡單 to̍h 揣會著。天文愛好者 認為講，NGC 4565 是一个真出眾 ê 天體作品，毋閣 <br />Messier 煞 kā 伊落勾去。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：CFHT, Coelum, MegaCam, J.-C. Cuillandre (CFHT) & G. A. Anselmi (Coelum) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210517.html <br /> <br/>Powered by <a href="https://firstory.me">Firstory Hosting</a></p>