Messier 106 ft. 蔡老師 (20210409)

<p>Messier 106 <br />https://apod.tw/daily/20210409/ <br /> <br />這个美妙 ê 天體 to̍h tī 大隻熊（大熊座）附近，去予 獵狗（獵犬座）ê 恆星箍 tī 內底。伊是 1781 年去予 使用公制 ê 法國天文學家 <br />Pierre Mechain [發現]discovered ê。了後，才予伊 ê 朋友兼同事 Charles Messier 收入去 Messier <br />星表內底，號做 M106。近代 ê 深空望遠鏡影像顯示，伊是一粒 宇宙島，是一个差不多 3 萬光年闊 ê 捲螺仔星系，to̍h tī 離咱銀河內底 ê 恆星 <br />2100 萬光年遠 ê 所在。伊 ê 中心有一粒足光 ê 銀核。這个予人讚嘆 ê 星系畫面，是 ùi 業餘 kah 專業 ê 天文望遠鏡影像 kā 敆做伙 <br />ê。影像內底明顯看會著 ê，是少年 ê 藍光星團 kah 紅色 ê 恆星托兒所。In to̍h 綴著星系 ê 捲螺仔手骨 方向。你嘛看會著足明顯 ê 紅色 <br />噴流，伊是水素氣體發出 ê 光。除了正爿下跤 ê 細粒星系伴 NGC 4248 以外，猶閣會當 tī 這幅圖內底揣著四散 ê 背景星系。M106，嘛號做 NGC <br />4258，是一粒鄰近 ê Seyfert 型活潑星系。In ê 光譜 ùi 電波到 X-光攏看會著。活潑星系 ê 動力，是 ùi 落落去 星系中心大質量烏洞 ê <br />物質提供 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：NASA, Hubble Legacy Archive, Kitt Peak National Observatory <br />業餘資料 kah 處理 ê 版權：Robert Gendler <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210409.html <br /> <br/>Powered by <a href="https://firstory.me">Firstory Hosting</a></p>