Markarian 鍊仔 ft. 阿錕 (20210522)

<p>Markarian 鍊仔 <br />https://apod.tw/daily/20210522/ <br /> <br />Tī 室女座星系團 ê 中心附近，有一條叫做 Markarian 鍊仔 ê 星系鍊 to̍h 袚 tī 這个深空 ê 望遠鏡視野 內底。Ùi <br />這幅圖中央下跤彼兩个明顯 ê 透鏡形星系 M84 （下跤）kah M86 起碇，你會當綴著這个鍊仔一直行--去-lih 到圖 ê 正爿。Tī <br />中心你會當注意著一對交互作用星系 NGC 4438 kah NGC 4435。有一寡人 kā 叫做 Markarian ê 目睭。室女座星系團 是離咱上近 ê <br />星系團，估算到伊 ê 中心有 5 千萬光年遠。這个星系團差不多有 2000 粒星系 tī 內底。伊 tùi 咱 ê 本星系群 有足明顯 ê 重力影響。Tī <br />室女座星系團內底，上無有 7 个星系 tī Markarian 鍊仔內底，看起來是 同齊 leh 行徙。毋閣其他星系有當時仔嘛會出現 tī 這條鍊仔內底。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Ginge Anvik <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210522.html <br /> <br/>Powered by <a href="https://firstory.me">Firstory Hosting</a></p>