流星 kah 對日照 ft. 蔡老師 (20210512)

<p>流星 kah 對日照 <br />https://apod.tw/daily/20210512/ <br /> <br />Tī 夜空內底，太陽 ê 相對面敢是上暗 ê 所在？無喔！實際上，tī 烏墨墨 ê 夜空 內底，太陽 180 度遠 ê 所在，看會著一个較罕得看著 ê <br />現象。彼是一个較暗 ê 光，to̍h 叫做 對日照（是 ùi 德國話來的，意思是「反向 ê 光」）。對日照是太陽光 tī 地球後壁散射一寡細粒 ê 行星間 塗粉 <br />粒產生 ê。這寡塗粉粒 ê 寸尺差不多是毫米大，是 ùi 小行星 kah 行星 leh 行 ê 黃道面 面頂 ê 石屑仔來 ê。這張相片 是舊年 3 <br />月翕--ê。是有史以來翕過 ê 對日照 相片內底，上壯觀 ê 其中一張。這是 tùi 西班牙 Canary 島 Teide 天文台 天頂這个烏墨墨 ê <br />夜空長時間感光翕--ê。看會著 對日照 是搝長 ê 黃道光 ê 一部份。咱閣會當注意著，背景星有 較光 ê 流星（倒爿）、北斗星（正爿頂懸）、kah <br />北極星（tī 正爿上邊仔）。流星落落來 ê 方向是 Teide 山，伊是西班牙上懸 ê 山。你閣看會著 tī 正手爿 ê 金字塔太陽實驗室。Tī 這工，你嘛會當 <br />tī 飛龍機面頂看著一个 kah 對日照 欲仝 ê 現象，叫做 觀音圈。這是反射 太陽 對面 ê 空氣 kah 雲產生 ê 現象。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：J.C. Casado, StarryEarth, EELabs, TWAN <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210512.html <br /> <br/>Powered by <a href="https://firstory.me">Firstory Hosting</a></p>