彗星、海翁、kah 棍仔球桮 ft. 阿錕 (20210513)

<p>彗星、海翁、kah 棍仔球桮 <br />https://apod.tw/daily/20210513/ <br /> <br />彗星 ATLAS (C/2020 R4) tī 3 月 1 號 倚近太陽，tī 4 月 23 倚近地球。咱會當 tī 這張美麗 ê <br />望遠鏡視野內底，看著伊有一个較暗 ê 青色彗尾 kah 一个較短 ê 彗尾。這張影像是 5 月 5 號 tī 這位予人翕著 ê。彗星 to̍h tī <br />北方星座獵犬座（拍獵 ê 狗）ê 範圍內底。咱嘛會當 tī 差不多仝一个視線方向看著兩个有名 ê 背景星系，海翁星系 kah 棍仔球桮星系。Tī 正爿頂懸 ê <br />NGC 4631，雖然看起來親像是一隻海翁，毋閣伊 kah 銀河欲平大，是一个坦敧身 ê 捲螺仔星系，離咱有 2500 萬光年遠。Tī NGC 4631 <br />倒爿下跤 ê NGC 4656/7，是一組交互作用星系，in 看起來 to̍h 親像是一支拗彎 ê 棍仔 leh 運動。實際上，這个變形 koh 相濫 ê <br />氣體痕跡，若是用其他波段來 kā 檢查，to̍h 會看著這隻宇宙海翁 kah 棍仔球桮 tī 古早時代有真密切 ê 接觸。這个 欲轉去 ê 彗星 <br />ATLAS，離地球干焦 7「光分」遠，應該會 tī 1000 年以內 閣再拜訪內部太陽系。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Grand Mesa Observatory, Terry Hancock / Tom Masterson <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210513.html <br /> <br/>Powered by <a href="https://firstory.me">Firstory Hosting</a></p>