海䖳星雲 kah 火星 ft. 阿錕 (20210519)

<p>海䖳星雲 kah 火星 <br />https://apod.tw/daily/20210519/ <br /> <br />一般來講，海䖳星雲較暗嘛較歹翕，毋閣這馬咱翕著 這張迷人 ê 景色矣！Tī 這張望遠鏡視場內底，有兩粒較光 ê 黃色恆星，雙生仔座 μ kah 雙生仔座 <br />η，to̍h tī 倒爿海䖳星雲 ê 下跤 kah 面頂。In 是較冷 ê 紅巨星，to̍h chhāi tī 這个 天頂雙生仔 ê 跤底。海䖳星雲 to̍h <br />浮 tī 這幅圖中心 ê 倒爿下跤，是一个較光 ê 弓形發射雲，下跤掛幾若條鬚鬚。實際上，這个宇宙海䖳是 超新星殘骸 IC 443 氣波形體 ê 一部份，是 <br />大質量恆星爆炸了後 脹大 ê 雲屑仔。爆炸光拄行到地球已經是 3 萬年進前 ê 代誌矣。To̍h 親像是 天文物理 海內底 ê 親情仝款，毛蟹星雲 ê <br />超新星殘骸，to̍h 叫做海䖳星雲。Tī 這个海內底停 一粒中子星，是恆星核崩塌 ê 殘骸。這張影像是 tī 4 月 30 翕 <br />ê。這張望遠鏡快照嘛翕著火星。伊這馬 to̍h tī 暗頭仔 ê 天頂 行來行去。這粒紅色行星嘛 tī 視場正爿 leh 發黃光。當然，海䖳星雲離咱差不多有 <br />5000 光年遠, 毋閣 火星這馬 離地球干焦差不多有 18 光分遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Jason Guenzel <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210519.html <br /> <br/>Powered by <a href="https://firstory.me">Firstory Hosting</a></p>