袚鍊星雲 ê 噴流 ft. 阿錕 (20210518)

<p>袚鍊星雲 ê 噴流 <br />https://apod.tw/daily/20210518/ <br /> <br />是啥物天體會掛這條袚鍊星雲？較早 ê 分析表示，這條袚鍊 是 行星形星雲，是 恆星 行到伊性命上尾 ê 坎站噴出來 ê 氣體雲。而且，tī 袚鍊面頂彼幾粒 <br />璇石，其實是發光氣體結 ê 光 丸。Tī 袚鍊星雲中心應該是有 兩粒恆星 leh 互相轉踅。毋閣 in 兩粒 近到 合用仝一个大氣層，才會 tī 哈伯太空望遠鏡 <br />翕著 ê 這張影像 內底，叫是講 in 干焦一粒爾爾。倒爿頂懸 kah 正爿下跤 ê 紅光氣體雲，是 ùi 星雲中心噴出 ê 噴流 造成 ê 產物。明亮 ê <br />噴流到底是當時、是按怎形成 ê？To̍h 變做是一个 研究 ê 主題 矣！這个袚鍊星雲干焦 5000 歲爾爾，伊 ê 大細有 5 光年 闊，而且會當用 <br />大台望遠鏡 ùi 天箭座 ê 方向揣著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：ESA, Hubble, NASA <br />資料處理：K. Noll <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210518.html <br /> <br/>Powered by <a href="https://firstory.me">Firstory Hosting</a></p>