北方 ê 恆星：北極星 kah 邊仔 ê 塗粉 ft. 阿錕 (20210428)

<p>北方 ê 恆星：北極星 kah 邊仔 ê 塗粉 <br />https://apod.tw/daily/20210428/ <br /> <br />是按怎 北極星 會號做北極星？上主要 ê 原因是，北極星是 tī 地球 自轉軸 北爿離咱上近 較光 ê 恆星。所以，當地球 leh 自轉 ê 時陣，恆星 <br />to̍h 會踅北極星行，毋閣北極星會一直 chhāi tī 遐袂振袂動。這就是伊成做 北極星 ê 原因。因為 tī 自轉軸南爿 附近無較光 ê 恆星，所以咱這馬 <br />to̍h 無 南極星。幾若千年前，地球 ê 自轉軸指向小可仔無仝 ê 方向。彼當陣 ê 北極星是織女星。雖然講北極星毋是天頂上光 ê 星，毋閣伊足好揣 <br />ê。因為伊差不多 kah 北斗星 khat-á 內底 ê 兩粒星排仝排。北極星 差不多 to̍h tī 這幅 8 度闊 ê 影像 中央。是一个用 數位處理 ê <br />方式 kā 較暗 ê 恆星光壓制，加強 星系間星雲 (IFN) 內底較暗 ê 氣體 kah 塗粉 ê 光度。北極星是一粒 造父變星，伊 ê 表面 to̍h <br />沓沓仔 噗噗跳，予伊 ê 光度 tī 幾若工內變化幾若葩。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Bray Falls <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210428.html <br /> <br/>Powered by <a href="https://firstory.me">Firstory Hosting</a></p>