半人馬座 Omega ft. 阿錕 (20210603)

<p>半人馬座 Omega <br />https://apod.tw/daily/20210603/ <br /> <br />球形星團 半人馬座 Omega 嘛叫做 NGC 5149，離咱有 15,000 光年遠。這个星團內底差不多有 1 千萬粒比太陽閣較老 ê 恆星，to̍h 櫼 <br />tī 直徑 150 光年闊 ê 範圍內底。Tī 咱銀河系 ê 銀暈內底，有 200 球左右 ê 球形星團 leh 泅。這个是內底上大上光彼球。雖然講大部份 ê <br />星團內底 ê 恆星年歲 kah 組成成份攏仝款，毋閣這个神祕 ê 半人馬座 Omega 煞展示出 tī 星團內底，嘛是會使有 無仝 ê 恆星種類、無仝年歲 ê <br />分佈、kah 無仝 ê 化學豐度。實際上，半人馬座 Omega 可能是 一个較細粒 ê 星系 kah 銀河合併了後 ê 殘核。Tī 這張 清楚 ê 彩色 <br />望遠鏡景色 內底，半人馬座 Omega ê 紅巨星（黃色色調）實在是真好揣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Ignacio Diaz Bobillo <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210603.html <br /> <br/>Powered by <a href="https://firstory.me">Firstory Hosting</a></p>