阿波羅 17 號：月眉形 ê 地球 ft. Tsai-Wen Lin (20210429)

<p>阿波羅 17 號：月眉形 ê 地球 <br />https://apod.tw/daily/20210429/ <br /> <br />Tī 這張予人讚嘆 ê 相片內底，看會著 咱美麗 ê 地球 tī 烏墨墨 ê 太空內底，反射太陽光，成做這个月眉形 ê 形影。Tī 這个咱無熟似 ê <br />景色內底，地球真細粒，to̍h 親像是 望遠鏡影像 內底，一粒遠方 ê 行星。這規个地平線攏 tī 咱 ê 視野內底。欲看較倚近地球 ê 角度，to̍h 愛 <br />ùi 低地球軌道來看才有法度。這干焦 tī 國際太空站 面頂 ê 船員 才會當享受這个景色。太空站每 90 分鐘踅地球一輾。雲、海洋、大陸 ê 景色，to̍h <br />ùi 下底行過。一部份行星 ê 弓形外沿，to̍h tī 遠方。毋閣這張數位復原影像 展示 ê 景色，到今干焦有 24 ê 人看過。In 是 阿波羅太空人 tī <br />1968 到 1972 年之間，去月球旅行閣轉來 ê 時陣看著 ê。原始相片 AS17-152-23420 是阿波羅 17 號欲轉來 ê 時陣，由機組人員 tī <br />1972 年 12 月 17 彼工翕 ê。目前來講，這是 人類用手 tùi 這个角度 ê 地球翕 ê 上尾一張相片。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Apollo 17, NASA; Restoration - Toby Ord <br />音樂：PiSCO - 鼎鼎 <br />聲優：Tsai-Wen Lin <br />翻譯：An-Li Tsai (NCU) <br />原文：https://apod.nasa.gov/apod/ap210429.html <br /> <br/>Powered by <a href="https://firstory.me">Firstory Hosting</a></p>