945. Webb 太空望遠鏡翕--ê 環形星雲 ft. 阿錕 (20230814)

<p>環形星雲 (M57) 是比細台望遠鏡看著--ê 閣較複雜。這个有名 ê 星雲，中央彼輪圓箍仔 tī 可見光是真好揣，差不多有 1 光年 闊。毋過這張是 James Webb 太空望遠鏡 tī 紅外線 翕--ê，而且有 閣較深 ê 感光。這張經過數位加強閣指定色水 ê 影像，予這寡氣體絲看起來 親像是 宇宙眼 ê 目睭毛。這寡長長 ê 雲絲可能是 環頂懸較實密 ê 氣體丸 kā 內底發出 ê 高能光 閘牢，產生 ê 烏影。環形星雲是一个搝長 ê 行星形星雲，是 太陽 這款恆星 演化做白矮星 ê 過程中，kā 外層大氣擲--出去 ê 氣體雲。中央有卵形結構 ê 環形星雲 就 chhāi tī 2500 光年遠 ê 樂器星座，天琴座 遐。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230814/ <br />影像來源：NASA, ESA, CSA, JWST <br />資料處理：Zi Yang Kong <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230814.html</p> <br /> <br/>Powered by <a href="https://firstory.me">Firstory Hosting</a>