900. 長蛇座星系團 ft. 阿錕 (20230216)

<p>長蛇座星系團 ft. 阿錕 (20230216) <br /> <br />一个厭 siān ê 暗暝，我人 siān-siān，那睏那想， <br />是天文學課本？抑是 giōng 欲消失 ê 傳說？ <br />煞雄雄發現 這張速翕相片，是宇宙深空，是奇幻世界， <br />這个景色，予我滿心敬畏，滿心感慨。 <br /> <br />兩粒星，親像咧徛衛兵，chhāi tī 前景， <br />咱 ê 銀河系，hŏng 讚嘆 ê 景色， <br />後壁 ê 長蛇座星系團，星系滿滿是， <br />一億光年遠 ê 所在，欲講一个故事。 <br /> <br />三个大星系，有長株圓星系，有藍色捲螺仔星系， <br />In 是主角，是巨人，大細 15 萬光年， <br />毋過相疊 ê 星系對，顛倒煞著我， <br />編號 NGC 3314，媠甲無地比。 <br /> <br />Abell 1060，長蛇座星系團， <br />是咱銀河附近，三大星系團之一， <br />重力束縛 ê 宇宙，天體 ê 遊戲， <br />較大尺度 ê 星系團，攏愛照排，我無通主意。 <br /> <br />這幅速翕相片，寸尺 1300 萬光年， <br />一億光年遠，宇宙級 ê 快樂， <br />短短影一下， 宇宙 ê 模樣， <br />就算是按呢，伊總是會消失，永遠袂閣出現。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230216/ <br />影像來源 kah 版權：Marco Lorenzi, Angus Lau, Tommy Tse <br />文稿：ChatGPT (apologies to Edgar Allen Poe) <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230216.html</p> <br /> <br/>Powered by <a href="https://firstory.me">Firstory Hosting</a>