898. Ùi 重力宇宙來 ê 的信息 ft. 阿錕 (20230629)

<p>北美 Nanohertz 重力波天文台 (NANOGrav) 是一組足大型 ê 電波望遠鏡。伊監看 68 粒 脈動星，閣足細膩量 in ê 光線到地球 微微仔 ê 時間差，才會揣著 背景 有重力波 (GW) ê 證據。這款時間差 kah 無仝粒 脈動星 有關係， 表示講這是重力波造成--ê。背景 ê 重力波 可能是受著 幾若十萬 抑是 幾若百萬粒 雙超大質量烏洞 ê 影響。歐洲、亞洲 kah 澳洲 ê 團隊嘛 tī 今仔日分別報告 in ê 結果。進前，LIGO kah Virgo 探測器嘛捌量著 ùi 兩粒互踅 ê 大質量天體，親像是 恆星質量 烏洞 這款天體，合併 所產生 ê 較懸頻率 ê 重力波。這張插圖利用 tī 兩粒互踅 ê 超大質量烏洞 kah 幾若粒脈動星 揣著 ê 微微仔時間差，來強調 時空 振動 ê 結果。這寡 tī 時空留痕 ê 重力波，tī 這張插圖內底就用 扭曲 ê 格仔 來表示。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230629/ <br />插畫來源：NANOGrav Physics Frontier Center <br />文稿：Natalia Lewandowska (SUNY Oswego) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230629.html</p> <br /> <br/>Powered by <a href="https://firstory.me">Firstory Hosting</a>