816. 卵星雲 ê 偏振光 ft. 阿錕 (20230409)

<p>卵星雲 ê 中央有啥物？卵星雲中央有一粒恆星 ùi 這粒宇宙卵生出來，伊 kā 氣體塗粉殼 擲出去，沓沓仔演化做 白矮星。卵星雲是快速演化 ê 前 行星形星雲，大細差不多有 1 光年，就 tī 北方 ê 天鵝座遐。較厚 ê 塗粉 kā 視線中央 ê 恆星閘牢矣，毋過較遠 ê 塗粉殼會反射中央恆星 ê 光。光 ê 偏振 是相對 逐粒塗粉粒、中央恆星、kah 觀測者 定義 ê 平面來講。光 反射 這个平面造成 ê 效應，就叫做偏振。咱若是量卵星雲 ê 偏振光角度，就會使知影藏 tī 內底彼粒天體 ê 位置。這張影像是 2003 年 Hubble 先進巡天 Kha-mé-lah 翕--ê。科學家 kā 這粒「卵」漆做「復活節卵」ê 色彩 ê 原因，是為著欲 強調 偏振 ê 方向。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230409/ <br />影像：Hubble Heritage Team (STScI / AURA), W. Sparks (STScI) &amp; R. Sahai (JPL), NASA <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230409.html</p> <br /> <br/>Powered by <a href="https://firstory.me">Firstory Hosting</a>