804. 有幾若百萬粒恆星 ê 球形星團 半人馬座 ω ft. 阿錕 (20230316)

<p>球形星團 半人馬座 ω，嘛叫做 NGC 5139，離咱有 1 萬 5000 光年遠。這个星團中央直徑 150 光年 ê 範圍內，有 1000 萬粒比太陽較老 ê 恆星。這是 tī 咱銀河系銀暈內 已經知影 ê 200 團 球形星團 中，上大上光--ê。雖罔講大部份星團內底 ê 恆星攏有仝款 ê 年歲 kah 成份，毋過這个神祕 ê 半人馬座 ω 煞有 無仝款 年歲 kah 無仝款化學成份 ê 恆星組成。實際上，半人馬座 ω 有可能是 一个較細 ê 星系 kah 咱銀河系合併了後 ê 殘骸。Tī 這張 遮爾清楚 ê 望遠鏡彩色相片 內底，咱會使足簡單就揣著半人馬座 ω 內底 黃色色調 ê 紅巨星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230316/ <br />影像：Neil Corke, Heaven’s Mirror Observatory <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230316.html</p> <br /> <br/>Powered by <a href="https://firstory.me">Firstory Hosting</a>