800. 行星形星雲 Jones-Emberson 1 ft. 阿綠 (20230224)

<p>行星形星雲 Jones-Emberson 1 是欲死 ê 類太陽恆星 ê 殮布。伊 kah 地球 ê 距離是差 1600 光年，tī 目睭足利 ê 天貓座遐。恆星核心先是進行水素 ê 核融合反應，煞落來是日素 ê 核融合反應。幾若十億年了後，這寡元素攏燒了矣。這時，這粒欲死 ê 恆星 ê 大氣，去予 hiù tùi 星際空間去。這个脹大 ê 殘骸差不多有 4 光年闊。咱會使看著行星形星雲 ê 中心遐，是恆星核燒賰 ê 部份，是一粒藍色高溫 ê 白矮星。這个星雲嘛叫做 PK 164 +31.1，伊足暗--ê，用望遠鏡 ê 目鏡是足歹影著。毋過這張 深空 ê 闊頻影像 是 kā 22 點鐘久 ê 感光疊做一張--ê，所以確實會當看著足足足清楚 ê 細節。Tī 這个清楚 ê 視野內底，有咱銀河系內 ê 恆星，kah 散佈 tī 宇宙 ê 背景星系。行星形星雲 Jones-Emberson 1 tī 這个宇宙舞台頂懸 ê 時間，是 足短--ê。伊會 tī 紲落來幾若千年 ê 時間內，沓沓仔消失。毋過中心彼粒高溫 ê 白矮星，愛等幾若 十億 年 ê 時間才會變冷--去。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230224/ <br />影像：Serge Brunier, Jean-François Bax, David Vernet, C2PU/OCA <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap230224.html</p> <br /> <br/>Powered by <a href="https://firstory.me">Firstory Hosting</a>