758. 法國天頂 ê 氣輝 ft. 阿錕 (20230215)

<p>這个無四常 ê 天景，看起來敢若是咱熟似 ê 景色，毋過有一寡是咱真罕得看著--ê。這个弓形結構，是咱熟似 ê 銀河系 中央帶 投影 tī 天頂 ê 景色。攝影師 ê 任務是 tī 這个媠甲親像一幅圖 ê 中世紀莊園 kā 這个弓形結構 翕出來。予人料想袂著 ê 是，今年 1 月 ê 某一个暗暝，前景 ê 天空煞出現無啥人看過 ê 美麗 輝光。這寡條紋就叫做 氣輝，是 地球大氣層 內底較懸層 ê 氣體 去予日光激發，發出較暗 ê 光。這寡光帶迒過規个天頂，in 彎曲 ê 形體 是因為 kha-mé-lah ê 超級闊幅鏡頭造成--ê。前景是 法國 西南部 ê Château de Losse 莊園。Tī 這个咱熟似 ê 夜空 內底，遙遠 ê 背景天體 包括有：發白光 ê 恆星 天狼星、發柑仔色光 ê 火星、發藍光 ê 昴宿 星團、發紅光 ê 加州星雲、kah 正爿彼个長長 ê 仙女座星系。這个任務 ê 原始目標是有成功：頂懸彼个 弓形光帶，就是咱 ê 銀河。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230215/ <br />影像：Julien Looten <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230215.html</p> <br /> <br/>Powered by <a href="https://firstory.me">Firstory Hosting</a>