738. Etna 山 天頂 ê ZTF 彗星 ft. 阿錕 (20230128)

<p>這个寒冷 ê 山景 kah 夜景是 tī 地球 ê Etna 火山，山頂有 像彗鬚 ê 雪煙 噴出來。這張影像是 kā tī 1 月 23 這个冷吱吱 ê 暗暝翕--ê 幾若張 獨立 感光 ê 相片疊做伙--ê。有翕著 tī Etna 雪山 山腹 天頂彼粒 會當用目睭直接看著 ê ZTF 彗星。是講 日光若變較強，抑是太陽風變較強，會予彗星 ê 青色彗鬚 kah 闊尾 ê 塗粉尾溜變較明顯。這禮拜 ê 拜六禮拜，ZTF 彗星會迒過北天 ê 北極星 kah 北斗星 之間。是講 tī 較暗 ê 所在，你干焦會看著 霧霧、無連紲 ê 結構。毋過就算干焦是按呢，這嘛是一件足重要 ê 代誌。因為你是直接用你 ê 目睭 leh 看 一位 ùi 遙遠 Oort 雲 來 ê 人客。是講 這幾工，你若是會當用雙筒千里鏡抑是細台天文望遠鏡 kā 看，你會閣較享受 ZTF 彗星 ê 景色。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230128/ <br />影像：Dario Giannobile <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230128.html</p> <br /> <br/>Powered by <a href="https://firstory.me">Firstory Hosting</a>