698. 雙生仔座流星雨 kah 手囊山 ft. 草莓大福 (20221225)

<p>小行星 3200 Phaethon 逐年攏會 tī 12 月份 ê 時陣 送禮物予咱地球。這个禮物就是 雙生仔座流星雨。流星流 ê 來源就是這粒 神祕小行星 沙 tī 軌道頂懸 ê 塗粉粒。12 月 13/14 附近是雙生仔座流星雨活動上強 ê 時陣。這張是 kā 22 張 天星滿滿 ê 夜空影像 組合起來 ê 相片。是 tiàm 美國西南爿 ê 紀念碑谷，月娘 peh 起來進前翕--ê。流星雨輻射點附近彼粒足光 ê 恆星，是 雙生仔座 ê 雙星。藍色彼粒是 北河二，黃色彼粒是 北河三。地球行過塗粉流 ê 時陣，平行 ê 流星軌跡看起來就親像是 ùi 雙生仔座內底輻射出來--ê，所以咱才會 kā 這个年度流星雨用星座 ê 名來號。這三粒 tī 紀念碑谷內底足出名 ê 山，ùi kha-mé-lah ê 角度看來，其中兩粒山 ê 名確實號了袂䆀（東手囊山、西手囊山）。第三粒山 ê 名就叫做 Merrick 山。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221225/ <br />影像：Chuck Derus <br />音樂：P!SCO - 鼎鼎 <br />聲優：草莓大福 <br />翻譯：An-Li Tsai (NCU) <br />原文：https://apod.nasa.gov/apod/ap221225.html</p> <br /> <br/>Powered by <a href="https://firstory.me">Firstory Hosting</a>