689. 火星 tùi 對月球後壁 peh 起來 ft. 阿錕 (20221209)

<p>12 月 7 號彼暗，火星行到月圓附近。實際上，咱若是 ùi 歐洲佮北美洲看，就會看著這粒紅色行星 ùi 月球後壁行過，去予月球閘去。這張 kā 幾若張影格疊出來 ê 清楚相片，是佇地球 美國 ê San Diego 翕--ê。火星差不多消失佇月盤後壁一點鐘久，又閣出現矣。前景是月娘，後壁 ê 火星干焦離咱 8200 公里遠爾爾，伊這馬佇「衝」 ê 附近。月圓佮火圓是光甲會當佇免調整感光 ê 狀況下，翕著這張壯觀 ê 相片。佇這張相片內底，火星 就 ùi 月球東南邊緣 peh 起來。彼搭是倚咱這爿 ê 古老、烏暗 ê Abel 隕石坑。Humboldt 隕石坑是北爿（倒爿）足大 ê 隕石坑。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221209/ <br />影像：Tom Glenn <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221209.html</p> <br /> <br/>Powered by <a href="https://firstory.me">Firstory Hosting</a>