668. Hubble 翕 ê 蝶仔星雲 ft. 阿錕 (20221121)

<p>恆星老矣了後，會產生美麗 ê 圖樣。有當時仔親像花，有當時仔親像蟲豸。蝶仔 星雲 NGC 6302 就是一个有名 ê 例。這个氣體做--ê 翼有 3 光年 闊，表面溫度超過 20 萬度 C。相片內底 ê 行星形星雲 是 NGC 6302。伊中央彼粒較老 ê 恆星，已經變甲燒燙燙，tī 可見光 kah 紫外光 咧發光。毋過伊 藏 tī 實密 ê 塗粉後壁，咱是看袂著。這張 Hubble 太空望遠鏡 ê 特寫相片是紀錄甲遮爾清楚。資料處理好矣了後，咱就看會著複雜 ê 行星形星雲 內底 精彩 ê 細節。其中，藍色是 酸素，青色是 水素，紅色是 窒素。NGC 6302 離咱有 3500 光年遠，經過 考古 校正，伊應該是 tī 天蠍座 遐。行星形星雲 是 ùi 像咱 太陽 這款 恆星 ê 外層大氣演化來--ê。毋過一般講來，伊會 tī 2 萬年左右就變暗去矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221121/ <br />影像來源：NASA, ESA, Hubble <br />資料處理：William Ostling <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221121.html</p> <br /> <br/>Powered by <a href="https://firstory.me">Firstory Hosting</a>