654. 倒反色 星場 內底 ê 烏球 ft. 阿錕 (20221106)

<p>這个奇怪 ê 烏球看起來敢若有小可仔面熟面熟呢？嘿啦！因為伊就是咱 ê 太陽啦！這張影像是 2012 年翕--ê，有翕著太陽足濟細節。這本底是欲翕一个 特別 ê 紅光，了後先 kā 變做烏白色，才閣 kā 變做 倒反色。創好了後，kā 星場 加入去，才閣 kā 變做倒反色一擺。這張太陽影像內底，有 長長淺色 ê 太陽絲、烏暗 ê 活跳區、外緣暴出來 ê 日珥、kah 咧跳舞 ê 高溫氣體毯。太陽 表面是足無閒刺鑿 ê 所在，尤其是拄著 太陽極大期，就是太陽表面 磁場 交纏上激烈 ê 時陣。活跳期 ê 太陽 就親像是一幅圖，伊噴出來 ê 電漿 去挵著地球磁層 ê 時陣會產生 極光，這閣是另外 一幅圖 矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221106/ <br />影像：Jim Lafferty <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221106.html</p> <br /> <br/>Powered by <a href="https://firstory.me">Firstory Hosting</a>