633. Kā 恆星提掉 ê 鴟鴞星雲 ft. 阿錕 (20221004)

<p>這規个形體看起來敢若是一隻鴟鴞。是講這張 鴟鴞星雲 中心 ê 特寫是一个 較光 ê 區域，實際上伊是一个較大 ê 烏暗 塗粉殼 中心 ê 窗仔門。這个窗仔門內底有一个 光-iàⁿ-iàⁿ ê 工場 當咧製造規粒 開放星團。這个閬縫內底有 長長 ê 雲柱 kah 圓圓 ê 球體，閣有其他製造恆星 ê 烏暗塗粉 kah 冷 分子氣體。是講較矛盾 ê 是，咱若是欲看這个 恆星製造 工場，內底無恆星會 較好。所以咱會當用數位處理 ê 方式 kā 恆星 ùi 相片內底徙走。鴟鴞 發射星雲 嘛叫做 M16，kah 咱 ê 距離是 6500 光年 遠，有 20 光年闊。咱會當用 雙筒千里鏡 揣著伊，就 tī 巨蛇座 ê 方向。欲 創作這張相片，需要 22 點鐘久 ê 感光時間，特別 kā 水素（紅色）kah 酸素（藍色）發射線 ê 色光合成，才有這張--ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221004/ <br />影像：Yannick Akar <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221004.html</p> <br /> <br/>Powered by <a href="https://firstory.me">Firstory Hosting</a>