621. Juno 太空船翕--ê 木衛二 Europa ft. 阿錕 (20221003)

<p>咱若是斟酌看這粒水晶球，會當拍開啥物款 ê 謎題？這粒球其實是 木星 ê 月娘，晶體是冰，月娘毋若足垃圾，而且破去 無法度修復。而且，一般 ê 推測是講，木衛二 Europa 破去 ê 冰原下底有海洋會當 支持性命生存。木衛二 Europa kah 地球 ê 月娘 差不多 平大粒，表面有 一逝一逝 ê 痕跡。這張相片 是 幾若工前 翕--ê，彼陣踅木星 ê 機器人 太空船 Juno 才拄 ùi Europa 表面 325 公里懸 ê 所在飛過。Europa 會有地下 海洋，這馬認為是因為伊踅木星 ê 軌道是有小可仔 長株圓。因為受著木星引力改變，予伊 規粒變形，這个變形 kā 伊內部加溫，才會形成海洋。研究 Juno 特寫 相片，毋若會當提供人類閣較了解木衛二 Europa kah 早期太陽系，而且會當幫贊咱了解 性命是毋是會當 tī 宇宙其他所在生存。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221003/ <br />影像來源 kah 許可：NASA, JPL-Caltech, SwRI, MSSS <br />資料處理：Andrea Luck <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221003.html</p> <br /> <br/>Powered by <a href="https://firstory.me">Firstory Hosting</a>