616. 世界各地春秋分點 ê 日出 ft. 阿錕 (20220930)

<p>這个全球 ê 合作計畫，是 kā 9 月 22 春秋分點 這工無仝所在翕著--ê 相片，排列做這張引人注目 ê 拼鬥圖。這攏總有 24 ê 攝影師提供相片，是 tī 全世界 24个航海時區 翕--ê。全球 24 ê 航海時區較無一般咱咧用 ê 城市時區遐爾複雜。航海時區 ê 範圍就是 地球經度差 15 度、時間差一點鐘遮爾簡單。Ùi 正爿頂懸開始 ê 頭一張相片，是 比 協調世界時 (UTC) 加 12 點鐘 ê 航海時區翕--ê 日出。Tī 這个時區 ê 攝影師是 tī 紐西蘭 ê 基督城。咱若是徙 tùi 下跤去，就會行到西爿。咱若是徙 tùi 倒爿去，UTC 時區 ê 數字愈細，日出 ê 時間就較晏。若無，你閣有全球 tī 2022 年 9 月春秋分點翕 ê 日出 影片通看。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220930/ <br />影像：Luca Vanzella <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220930.html</p> <br /> <br/>Powered by <a href="https://firstory.me">Firstory Hosting</a>