587. Kā 恆星提掉 ê 馬頭星雲區 ft. 阿錕 (20220829)

<p>Tī 獵戶座內底彼个有名 ê 馬頭星雲，毋是孤單--ê。較深 ê 感光影像 kā 咱講，相片正爿中央這个咱熟似 ê 烏暗區，是吸收 塗粉 kah 發光氣體 大型複合體 ê 一部份。這張 壯觀 ê 相片 kā 咱詳細介紹這个錯綜複雜 ê 宇宙壁毯。這內底 ê 氣體 雲絲，是 恆星風 kah 古早時代 ê 超新星 創作、雕出來--ê。馬頭星雲 ê 倒爿彼个柑仔色--ê，就是 火舌星雲。為著欲強調塗粉 kah 氣體，大部份 ê 恆星 已經用 數位方式 kā 徙走矣。毋閣猶是有留一寡仔，親像是火舌星雲頂懸 ê 參宿一。伊是 獵戶座皮帶，就是排規排 ê 彼三粒星內底，上正爿彼粒。馬頭星雲 就 chhāi tī 獵戶座 ê 方向遐，離咱有 1500 光年 遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220829/ <br />影像：George Chatzifrantzis <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220829.html</p> <br /> <br/>Powered by <a href="https://firstory.me">Firstory Hosting</a>