570. M13：武仙座內底 ê 大球形星團 ft. 阿錕 (20220804)

<p>1716 年，英國天文學家 Edmond Halley 注意著「Tī 天頂無月娘 ê 晴和暗暝，咱會當用目睭直接看著這款霧霧 ê 天體」。是講，M13 這馬去 hŏng 認為是武仙座內底 大牌--ê，就叫做大球形星團。伊是北天上光 ê 球形星團。若是有親像這款遮爾清楚 ê 望遠鏡景色，咱就會當翕著這个美麗星團內底，幾若百萬粒恆星矣。這个星團離咱有 2 萬 5000 光年遠，星團內底 ê 恆星就攏櫼 tī 直徑 150 光年闊 ê 區域內底。咱行到 星團核心差不多 3 光年闊 ê 立方體內底，就會當揣著 100 粒恆星。予你做一个參考，kah 咱太陽上倚 ê 恆星，離咱就愛 4 光年遠矣。這張影像內底 上光 ê 部份，差不多就是實櫼 ê 星團核心。這張半中闊視野 ê 背景有足濟遙遠星系，嘛包括 tī 倒爿頂懸 ê NGC 6207。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220804/ <br />影像：Joan Josep Isach Cogollos <br />音樂：高小糕 GaoXiaoGao <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220804.html</p> <br /> <br/>Powered by <a href="https://firstory.me">Firstory Hosting</a>