564. 貓眼星雲 ê 雲暈 ft. 阿錕 (20220803)

<p>是啥物 tī 貓眼星雲邊仔產生這个無四常 ê 雲暈？無人知影。咱知影 ê 是，貓眼星雲 (NGC 6543) 是天頂上出名 ê 行星形星雲 之一。雖罔講相片 中央 彼个足光 ê 對伨結構 hŏng 印象足深 ê，毋閣這張相片主要是欲予逐家看伊 ê 外層雲暈，這差不多有 3 光年 闊。行星形星雲 以早去 hŏng 認為講，伊是像太陽這款恆星行到 性命 上尾 ê 坎站。毋閣最近有揣著一寡行星形星雲有 脹大 ê 雲暈，這可能是 咱猶毋是蓋清楚 ê 恆星演化 早期，拄 kā 邊仔 ê 物質褪掉 ê 款。是講 行星形星雲這个階段，去 hŏng 認為講 會擋 1 萬年左右。天文學家估計講，貓眼星雲 雲暈 ê 外層雲絲彼部份，可能有 5 萬到 9 萬歲。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220803/ <br />影像：Bray Falls <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220803.html</p> <br /> <br/>Powered by <a href="https://firstory.me">Firstory Hosting</a>