495. 食月 kah 深空夜景 ft. 阿錕 (20220524)

<p>這个攝影計畫本底是按算欲翕美麗 ê 天景 kah 一位特別 ê 貴客。結果煞加翕著另外一位來賓，真正是有夠意外--ê 啦！相片上倒爿 ê 美麗背景，是 咱銀河系 中央帶 ê 一部份。相片中央 ê 彩色雲 是 蛇夫座 ρ。這个特別 ê 貴客是正爿彼粒較暗、反紅 ê 月娘。這是 tī 頂禮拜 月全食 彼陣翕--ê。翕相 ê 時間愛著，因為 月娘 tī 發生月食進前 kah 了後會傷光，按呢背景就會看無。這个 意外 ê 來賓，是行過相片中央彼粒 足光 ê 流星。這張相片是 tī 西班牙 Canary 群島 ê La Palma 島 翕--ê。這个 一目𥍉就無--去 ê 流星 軌跡，是 10 張連紲深空影像內底 ê 其中一張 翕著--ê。而且這个 月食影像，是翕著流星了後，tī 仝一个所在，用仝一台 kha-mé-lah 隨翕--ê。後一擺 ê 月全食，按照預測，會 tī 11 月初 出現。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220524/ <br />影像：Andrei Ionut Dascalu <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220524.html</p> <br /> <br/>Powered by <a href="https://firstory.me">Firstory Hosting</a>